Ekitaldian agintari eta enpresa esparruko ordezkari ugari batu ziren. Han izan ziren, besteak beste, Txabarri diputatu nagusia, Oñatiko alkate Lurdes Idoiaga, MCCko presidente Jesus Catania eta Ulmako zuzendari orokor Txomin Gartzia.
Hazkundearen erakusle
Logistikako sistema automatizatuak egingo dituzte eraikin berrian. Ingeniaritza lana egingo dute, azken finean, eta horretarako, ikerkuntzarako prototipoen nabea eta 120 langilerendako bulegoak ditu eraikinak. Duela 18 urte ekin zioten negozioari eta izan duen hazkundeari erantzuteko jaso dute eraikin berria.
Txabarri diputatu nagusiak halako negozioek Euskal Herriaren eraikuntzan duten garrantzia azpimarratu zuen. Oñatiko alkatea ere pozik azaldu zen eta Udala laguntzeko prest dutela gehitu zuen.