Guztira 20 ikasle izan dira oraingoan: katalan bat, madrildar bat eta hiru txiletar tartean. Tutore izan duten Nikolas Segurolak esan du saiatu direla neska-mutilak, eta denei eman die aprobatua.
Artzainen etxeetan
Irailean hasi zuten ikasturtea eta sei hilabeteko iraupena izan du: lehen 7-8 astetan teoria ikasi zuten eta, orduz geroztik, praktikak egin dituzte artzainen etxeetan.
Artzain mundua ezaguna da ikasle batzuentzat, baina badira batere ezagutzen ez dutenak ere. Artzaintza eta naturarekiko maitasunak berdintzen ditu guztiak.
Ikasitakoa praktikan jarri behar
Nikolas Segurolak garbi utzi die ikastaro amaieran egindako hitzaldian, artzain eskola ez dela jakinduriaz janzteko lekua. Orain Arantzazun ikasitakoa praktikan jarri beharko dute.