Martxoaren 14tik apirilaren 2a arte iraungo du Aloña Mendi Mendi sailak antolatu duen mendi asteak. Ekitaldi guztiak kultura etxean egingo dira, 19:30ean. Hauxe da ekintzen egutegia:
- Martxoak 14: Elurretako lehoinabarraren bila bideo emanaldia. Xabier Ormazabal mendizale urretxuarraren oroimenezkoa.
- Martxoak 15: Alpinismoa, izotza eta harria izeneko emanaldia. Karlos Vieira oñatiarrak aurkeztuko du eta 2005eko udan Peruko Huandoy mendian egindako saikera erakutsiko du.
- Martxoak 16: The story of the weeping camel filma.
- Martxoak 17: Erori eta berriz hasi bideo klipa. Josune Bereziartua eskalatzaileak aurkeztuko du. Gainera, Hatz puntak izeneko argazki erakusketa jarriko du Rikardo Otegirekin batera gaurtik hilaren 31a arte.
- Martxoak 18,19: Mendiko eski irteera. 18an Bielsako tunelaren inguruan egingo dute ibilaldia eta 19an, Piu Englug inguruan.
- Martxoak 25: Eskalada irteera ikastaroa. Iruñeko rokopolisen, Europako rokodromorik handienetarikoan.
- Apirilak 1,2: Mendi ikastaroa Pirinioetan. Irteera honetan beharrezkoa da mendian federatuta egotea.