Era berean, bisita itzuliko diete oñatiarrei apirilean, 6tik 8ra bitartean. Lapurditik 16 eta 17 urteko 33 ikasle etorriko dira eta Oñatin dauden bitartean, Elkar Heziko ikasleek hartuko dituzte etxean. Bestalde, hilaren 17rako egun berezia antolatu dute. Izan ere, egun horretan Baionako eta baita Durangoko Ibaizabal ikastolako beste 30 gazte batuko zaizkie eguna elkarrekin emateko. Bernard Etxepareko eta Elkar Heziko ikasleen ikasturtean barrena jorratu dute hartu-emana eta elkar ezagutzen hasteko aukera izan dute.