Asteazkenetik ostegunera bitarteko gauean hiru negoziotan lapurreta egin zuten eta beste bi saiakera izan ziren Kale Barria eta Euskadiko Etorbidean. Ez da lapurretak gertatzen diren lehen aldia eta tabernari eta dendari batzuek uste dute gauetan Ertzaintza edo Udaltzaingoaren zainketa handitzeko momentua iritsi dela.
Arrano tabernan, Toñi ile-apaindegian eta Txintxurreta dendan izan ziren lapurretak. Hiru lokaletan sistema berdina erabili zuten: atea palanka baten bidez ireki zuten eta dirua bakarrik lapurtu zuten. Toñi ile-apaindegian bigarren aldiz egin dute lapurreta eta Arrano tabernan saiatu ziren beste bi aldiz lapurreta egiten.
Bestalde, lapurreta egiten saiatu ziren Kimu loradendan eta Junitosa dendan; ateak bortxatu zituzten, baina ez zuten barrura sartzerik lortu.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak