'Todos nacemos vascos' antzezlana ikusteko bi emanaldi antolatu dituzte

Otsailaren 24an izango dira bi emanaldiak; 20:00etan lehenengoa eta 22:30ean bigarrena. Hasieran, 22:30eko emanaldia bakarrik antolatu zuten, baina dagoeneko 20 bat sarrera bakarrik gelditzen direla ikusita, bigarren emanaldia antolatzea erabaki du udaleko Kultura Sailak.

Bi emanaldietarako sarrerak 15 euro balio du, bai aurrez eta bai leihatilan erosita.

Antzezlan arrakastatsua

Todos nacemos vascos antzezlanak arrakasta handia lortu du Euskal Herrian zehar. Oscar Terolek idatzitako izen buruko liburuan oinarrituta dago obra. Glu-Glu konpainiak moldatu du liburua antzerkirako, Cocidito madrileño-rekin arrakasta lortu zuen konpainia berak.

Oraingo honetan, istorio ezberdina dakarkigute: pertsonai batek, hil eta gero, beti euskalduna izan dela jakingo du, berak uste ez bazuen ere. Umorez girotutako antzezlana da.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.