Haur-jolasak, hip-hop musika edota Oskorri eta Tapia eta Leturiaren kontzertuak antolatu dituzte egun handirako. Bost gune izango dira eta adin guztientzako ekintzak. Ekainaren 4an ospatuko da Euskal Eskola Publikoaren Jaia, Oñatin. EEPk hamabosgarren jaialdia egingo du aurten.
Helburuak
Mugak gaindituz, herriak biribilduz leloa aukeratu dute aurten. Hala, elkarlanean "herria biribiltzea" dela helburua adierazi zuen Imanol Zubizarreta Euskal Herriko Gurasoen Elkarteko presidenteak. Andoni Gartzia, Oñatiko alkateak berriz, herria ezagutarazteko eta egun on bat pasatzeko aukera paregabea dela esan zuen.
Aldarrikapenak
Imanol Zubizarretak azpimarratu zuen "ekitaldia hainbat aldarrikapen egiteko ere aprobetxatuko dugu: 0-3 urte bitarteko hezkuntza publikoa izateko eskatuko dugu, eskola mapa berria egiteko, hizkuntza ereduak gainditzeko..."
Informazio gehiago Euskal Eskola Publikoko webgunean