Preferenete mailako liderra da Aloña Mendi taldea (45 punturekin eta Real Union taldearekin berdinduta) eta postu horretantxe zelairatuko dira Aitor Oruetaren mutilak domekan Azkoagainen. UDAren aurka jokatuko dute. Sei punturen aldea dute soilik Aloña Mendik eta UDAk. Aitor Oruetak esan du talde biak oso egoera eta momentu onean daudela eta denboraldiko partidurik "zailenetakoa" izango dela. 16:30ean da partidua.