Azkar aldatzen ari den mundu honetan herritarrak bere iritzia, bere ikuspegia ematea garrantzitsua dela uste du Oñatiko herritar batek. Euren esanetan ohituta gaude erakundeek diotena egitea, eurek egiten dutena onartza, batzuetan gogo hoez eta txarrez bestetan. Herritarrak, ordea, bere iritzia ematea garrantzitsua dela uste du, horrek herriaren garapena sendotuko duelako.
Horregatik, herritar aktiboak batu gura ditu Oñati bizirik proiektuak. Auzolanerako, herriaren garapenerako. Arlo ezberdinetan lana egingo duten herritarrak izango dira: enpresa munduan batzuk, hezkuntzan beste batzuk edo komunikazioan beste batzuk, adibidez.
Gonbidapena
Zazpi lagunek aurkeztu zuten proposamena eguazten iluntzean kultura etxeko areto nagusian, eta bete egin zen aretoa. Kirol taldeko ordezkariak, enpresetako buruak, langileak, dendariak, ikastetxeetako ordezkariak eta herritarrak egon ziren. Orain, herritar guztiak daude gonbidatuta elkarte aktiboan parte hartzeko. Edozertarako mezu bat bidali dezakezue helbide honetara.