Idiazabal Gazta Jatorri Izendapenak eman dio saria Arantzazuko Gomiztegi baserriko artzainari, iaz Seu d'Urgelleko lehiaketan bigarren saria lortu zuelako. Lleidako herri horretan urtero egiten dute Pirinioetako Artisau-Gazten lehiaketa. Berarekin batera saritu dituzte beste hiru artzain ere.
Gainontzeko sarituak izan dira
- Beizamako Patxi Otaegi eta Idoia Leonet, Seu d'Urgelleko lehiaketan hirugarren saria jaso zutelako;
- Olaberriako Mikel Etxezarreta eta Eli Arrillaga, Italiako Veronan egindako Nazioarteko Mendiko Gazten Olinpiadetan lehenengo saria lortu zutelako; eta,
- Larreako Pascual López de Uralde, Espainiako Gazta Onenaren Saria eman ziotelako.
Lau sarituek plaka bana eta Jatorri Izendapeneko Jose Maria Ustarroz presidentearen eskerra jaso dute, Idiazabal Gaztaren izen ona zabaltzen laguntzeagatik.
ALBISTEAK MUGIKORREAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.