Tranbiaren erakusketa 23a arte dago ikusgai

Urtarrilaren 23a arte luzatu dute tranbiaren planoen erakusketa. Udaletxeko areto nagusian dago eta ikusi daiteke tranbia nondik nora pasatuko den. Alegazioak aurkezteko epea ere hilaren 23an bukatzen da.

Debagoiena lotuko duen tranbiak Oñatin izango duen ibilbidea ikusten da plano horietan: nondik nora pasatuko den eta tranbiak Oñatin zenbat geltoki eta non izango dituen, besteak beste. Horrez gain, proiektuaren gaineko informazioa ere badago: ze abiadura izango duen, ze aurrekontu duen, zenbateko maiztasuna izango duen...

Erakusketa udaletxeko areto nagusian dago eta egunero ikusi daiteke: 09:00etatik 13:00etara eta 18:00etatik 20:00etara. Proiektua behin behinekoa da; alegazioak aurkezteko azken eguna urtarrilaren 23a da.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.