Parrokiako Misio Taldeak zabaldu du aurten ere bidezko merkataritza denda. Kaler Barrian dago, Don Pedruen beheko lokalean, Altuna estankoaren parean. Egun hauetan egongo da zabalik, 11:00etatik 14:00etara eta 18:00etatik 20:30era:
- Abenduak 17: arratsaldez (goizean plazan egongo dira, Elkar Hezik antolatutako Elkartasun Azokan)
- Abenduak 18: goizez eta arratsaldez
- Abenduak 23: arratsaldez
- Abenduak 24: goizez eta arratsaldez
- Urtarrilak 4 eta 5: arratsaldez
Afari solidarioa
Bestalde, gaur, egubakoitza, afari solidarioa egingo du Parrokiako Misio Taldeak Bidaurretako fraideen aretoan, 20:30ean. Patata tortila letxugarekin da afariko menua. Doan da eta gura duenak borondatea utzi dezake; diru hori erabiliko dute Haitin anbulatorio bat egiteko duten proiekturako. Herritar denak daude gonbidatuta.