Abenduaren 14tik 16ra egongo dira eskuragai mendi federatu txartelak Aloña Mendi elkarteko bulegoan. Ordutegia da: 19:30etik 21:00ak arte. Joatea ezinezkoa baldin bazaio federatuari, ordezkoa bidali dezake txartelaren bila. Epea amaitu ondoren Aloña Mendin gelditzen diren txartelak otsailean banatuko dituzte.
Derrigorrez joan behar dutenak
Eguaztenetik egubakoitza bitartean ezinbestekoa izango dute Aloña Mendira joatea edo Mendi Sailekoekin harremanetan jartzea (943 78 08 10) lagun hauek:
- Mendian federatu gura dutenak
- Federatuta egonda aldaketaren bat egitea gura dutenak
- Baja eman gura dutenak (abenduaren 16tik aurrera ez dituzte bajak tramitatuko)
Abenduko epea amaitu ondoren, federatuta gelditzen diren guztiek egun hauek izango dituzte aldaketak tramitatzeko, Aloña Mendin: martxoak 29, apirilak 5, ekainak 21 eta 28 eta uztailak 5 eta 12.