Domeka gauean sartu ziren lapurrak Etxaluzeko Urrutia jantzi dendara. Sarrerako atea palanka baten laguntzaz zabaldu zuten; sarraila ez zuten ukitu ere egin. Barrutik, hainbat kolonia pote eta praka bakeroak eraman zituzten.
Goienan bi aldiz sartu dira
Joan den eguen gauean, Anton eta Goiena tabernetan sartu ziren. Anton tabernara sarrerako atetik sartu ziren, palanka erabiliz; Goiena tabernara, atzeko aldeko aldetik sartu ziren, larrialdeetarako atetik. Taberna bietatik dirua eraman zuten, tabako makinetako dirua eta makina txanponjaleetakoa. Goienara duela bizpahiru hilabete ere sartu ziren lapurrak, bide beretik.
Lapurren berri
Tabernetara sartu ziren egunean, Elgetako eta Arrasateko taberna batzuetan ere sartu ziren lapurrak eta udaltzainek uste dute lapur berdinak izan zirela, lapurretak egin zituzten orduei begiratuta. Urrutia dendan lapurreta egin dutenak, ordea, beste lapur batzuk izan direla uste dute, dirurik ez zutelako hartu. Udaltzainek uste dute beste merkatu batzuetan saltzeko lapurtu zituztela koloniak eta prakak.