Pake Lekuko antzerki taldearen Estoy harta antzezlan komikoak izugarrizko arrakasta izan du eta gonbidapena jaso dute beste herri batzuetatik antzerkia han egiteko. Adibidez, datorren abenduaren 19an Ordiziako erretiratuen etxean aurkeztuko dute euren antzezlana eta 2006 urtearen hasieran Legazpira eta Zumarragara ere joango dira Pake Lekuko aktoreak.
Oñatin, azaroaren 25ean
Lehen emanaldia herriko erretiratuendako egin zuten baina oso harrera ona izan zuen eta jendeak eskatuta, herri osoari zuzendutako emanaldia egingo dute egubakoitzean, azaroak 25, Santa Anan, 21:00etan. Hiru euro balio du sarrerak. Oholtza gainean izango dira: Asun Artzuaga, Rosita Lukas, Ana Mari Lizeaga, Mari Karmen Goitia, Ana Mari Chacon, Karmentxu Maiztegi eta Tere Zubia.
Eguaztenean, kontzertua
Bestalde,eguaztenean, azaroak 23, Ordizia eta Oñatiko erretiratuen abesbatzek kontzertua eskainiko dute Santa Ana antzokian iluntzeko zazpietan.