Zapatuan bazkaria egingo dute senitartekoekin. Datorren astean hainbat ekitaldi dituzte: gaztaina jana, bertso saioa, bolo txapelketa eta txokolateari buruzko hitzaldia, besteak beste.
Zapatuan parrokiako abesbatzarekin meza eta senitartekoekin bazkaria izango dute San Martin egoitzan. Horixe izango da datorren astean jarraipena izango duen Nagusien Astearen hasiera.
Hainbat ekitaldi
Oñatiko Udal bandaren kontzertua, Bertso Eskolakoen bertso saioa, Natur Eskolako kideen erakustaldia, Oñatz dantza taldearen ikuskizuna, gaztaina jana, bolo eta petanka txapelketa eta txokolatearen historiari buruzko hitzaldia izango dute, besteak beste, San Martin egoitzan datorren astean.