Debagoieneko Aralarrek bere iritzia eman du Oñatiko gaztetxearen auziari buruz. Lau puntutan laburtu du Aralarrek bere iritzia: bateteik, herrietan gune autogestionatuak behar direla esan du eta guztiz positiboa dela gazteendako nolako gunea behar duten adostea, gune hori aurrera ateratzea eta bertan aberasgarriak izango zaizkien ekitaldiak eta ekintzak antolatzea. Bestetik, Debagoieneko Aralarrek animoak eman gura dizkie Oñatiko gazteei eta euren beharrei irtenbidea emango dien gunea sortzea animatzen ditu.
Udala eta ertzantza
Oñatiko Udalak ez duela arduraz jokatu uste du Debagoieneko Aralarrek. Gaztexea botatzea egoera azken muturrera eramatea dela uste du eta horrekin egoera ez dela konponduko, gazteek beste gune bat bilatuko dutelako. Aralarrek esan du zenbait alderdik maizegi jotzen dutela gazteak kontrolatu gura izatea eta uste du elkarrizketa dela bidea arazoari irtenbidea topatzeko. Bestetik, horrelako gatazkei irtenbidea topatzeko Ertzantzaren indarra erabiltzea negargarria iruditzen zaiola esan du baina errua ez dela eurena dio, erantzukin politikoa beste batzuena dela.