Zaborraren gaineko zerga %17, 61 igoko da datorren urtean, uraren ordainagiria %8,75 eta kirola egiteko txartel mankomunatua, berriz, %7. Udalak onartu ditu datorren urterako ordenantza fiskalak eta hiru arlo horietan nabarituko da igoera handiena.
Zaborraren tasa izango da gehien igoko dutena, Debagoieneko Mankomunitatearen proposamena jarraitzea onartu du Udalak eta. Eskualde osoan zerbitzu beragatik kopuru berdina ordaintzea da igoeraren arrazoietako bat.
Udalari ordaintzen zaizkion beste hainbat zerbitzuk %3,2ko igoera izango dute 2006an, joan den urteko KPIaren igoera bera.