AP-1 autobidea egiteko lanetan ibili dira orain arte San Prudentziotik Oñatira bidean dauden lehen metrotan. Lanak bukatu dituzte eta inguru hori txukun utzi behar dute orain: bazterrak garbitu, trafikoko seinaleak jarri, errepideko marra txuriak pintatu...
Lan horiek egiteko, aste honetan itxi egingo dute errepidearen zati bat autobideko lanen pare horretan, eta tarteka emango diete pasoa autoei: martitzenetik zapatua arte (urriak 25etik 29ra), 08:45etik 19:00etara.