Ekaitz Osa bikain dabil lasterketetan. Joan den astean, esaterako, bi lasterketa irabazi zituen: eguaztenean Soraluze eta Bergara arteko herri lasterketa, eta domekan, Donostia hiriko zirkuitua, 15 kilometroko lasterketa. 1.500 lagun baino gehiagok hartu zuten parte lasterketa horretan. Aste bat lehenago, hiru hondartzetako lasterketan hirugarren egin zuen Donostian, 10 kilometroko proban.
Duatloia eta triatloia
Oñatiko Triatloi taldekoa da Ekaitz Osa eta 25 urte ditu. Kirol horiek denboraldia pasa da eta lasterketetan parte hartzea erabaki du. Hala ere, denboraldi berrian ere duatloiak egingo dituela uste du Ekaitzek.
Euskadiko txapelduna izan da Ekaitz Osa Euskadiko Duatloien Txapelketan, 23 urteko azpikoetan. Euskadiko Duatloi Luzeko Txapelketan, berriz, hirugarren sailkatu da.