Aurreko udan baino turista gehiago etorri dira aurten Oñatira

Ekainetik irailera, ia 7.000 turista pasa dira Oñatiko turismo bulegotik. Euskal Herritik ez ezik, Erresuma Batutik, Frantziatik, Kanariar Uharteetatik, Kanadatik eta Japondik etorri dira, besteak beste. Natur ibilbideek arrakasta handia izan dute.

Ia 7.000 turista pasa dira Oñatiko turismo bulegotik ekainetik iraila bitartean, 6.974 bisitari, zehazki. Joan den udan baino turista gehiago izan dira aurten Oñatin.

Kanpotik

Euskal Herriko beste herrietatik ez ezik, kanpotik ere etorri dira turistak udan Oñatira. Kataluniar eta madrildar asko etorri dira, adibidez. Valentziakoak, Gaztela Leonekoak, Greziakoak, Italiakoak, Ceuta eta Melillakoak eta Andaluziakoak ere etorri dira, besteak beste. Iraileko datuei begiratuta, 1.022 turista pasa dira turismo bulegotik. Gehienak, Gipuzkoakoak, Kanariar Uharteetakoak, Madrilekoak, Kataluniakoak eta Erresuma Batukoak.

Natur ibilbideak

Natur eskolarekin batera udarako antolatu dituzten natur ibilbideek arrakasta handia izan dute. Bisitari askok hartu dute parte, Madrilekoak, Errezilgoak eta Parisekoak tartean. Oñatiar askok ere egin zituzten.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.