Epaileak Oñatiko EHko bi zinegotzi errugabetu ditu

Euskal Herritarrok taldeko Oñatiko bi zinegotzi absolbitu zituen egubakoitzean, urriak 7, Donostiako epaitegiak froga nahikorik ez dagoela argudiatuta. Fiskaltzak, aginpidearen kontrako atentatu delitua leporatzen zien bi zinegotziei.

Gertaerak 2002ko irailaren 9an gertatu ziren, Arantzazuko Ama Birjinaren egunean, Arantzazun. Egun hartan, Etxeratek deituta, ohiko elkarretaratzea egin zuten 60 bat lagunek.

Ertzainak bi zinegotziok elizara sartzea galarazten saiatu ziren, gonbidatuta zeuden arren. Azkenean, sartzeko aukera izan zuten; hala eta guztiz ere, poliziak salaketa jarri zien biei.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.