Autobusa goiz osoan ibiliko da gora eta behera egubakoitzean, Arantzazuko Ama Birjiñaren egunean. Lehenengo irteera 09:00etan izango da Oñatitik eta azkena, berriz, 14:30ean Arantzazutik. Arantzazuko bidea ez dute ibilgailuendako itxiko.
Erromesaldia 07:00etan abiatuko da San Migel parrokiatik. Bigarren hitzordua ordubete beranduago izango da, 08:00etan Urtiagainen, Zapatan. Meza nagusia 12:00etan da Arantzazun.