Paul Collins bakarlari estatubatuarrak emanaldia egingo du domekan, hilak 24. Hasieran, kontzertu hori ez zegoen aurreikusita Kalean egitarauan, baina antolatzaileek espero dute harrera ona izango duela. Collins-ek power pop akustikoa egingo du, gitarra-jole batek babestuta. Bakarlaria ezaguna da, batez ere, The Nerves eta The Beat taldeetako partaide izan zelako.
Trianako portalekuan izango da emanaldia., eta asmoa da Trianako auzotarrek taberna zerbitzua ipintzea. Batutako dirua auzorako izango da.
Hip hop festa
Kalean egitarauko eskaintza ez da hor bukatuko. Hala, hilaren 30ean, datorren zapatuan, hip hop festa izango da Larrastegiko plazan, San Anton kalean. M.A.K., Bad Sound System eta Dropezframes taldeek musika eta bideo emanaldia egingo dute 22:30ean.