AEBk Irak erasotu baino egun batzuk lehenago iritsi ziren brigadista batzuk Bagdad hirira eta bertatik bertara bizi zuten gertatutakoa. Euren ikuspegitik, Irakeko gizarteak gerra bera eta gerra ostea nola bizi zuen kontatzen du Bagdad Rap pelikulak.
Zuzendaria Arturo Cisneros iruñarra da eta kultura etxean bertan egongo da pelikularen aurkezpena egiteko eta emanaldiaren ondoren ikusleen galderak erantzuteko.
Bagdad Rap pelikula lehenago eman nahi izan zuen Natur Eskolak baina arazoak izan zituzten egun hartan eta atzeratu egin zuten. Beraz, ikusteko aukera eguenean da, maiatzak 12, 20:00etan zineklubean. Pelikula honekin bukatuko da zineklubeko denboraldia.