EAEn nekazal ohitura izan duten herrietan zehar dabil erakusketa ibiltari hori. Debagoienean, Oñati aukeratu dute berau ipintzeko. Mendinet Toki Ekintza Taldeak eta Eusko Jaurlaritzako Nekazaritza eta Arrantza Sailak antolatu dute.
Areto interaktiboa da Sarekide. Praktika, tailer, erakustaldi eta azalpen errazen bidez, teknologia berrien gaineko informazioa jaso, beroietarako prestatu eta norbere burua trebatzeko aukera dago. Hainbat tresna eta aplikazio ikusi eta erabiltzeko modua ematen dute. Komunikazioa, telelana, informazioa, negozio berriak, aisialdia bezalako alorrak lantzen dira.
Denendako egoki
Edozeinendako da egokia, baina, batez ere, hauei dago zabalduta: landa guneetako emakume, adineko pertsona eta elkarteei; eta nekazari, abeltzain eta artisauei. Horrez gain, ikastetxeek bisita gidatuak antolatu dituzte.
Bisita ordutegia da 09:30-13:30 eta 15:30-18:30, astegunetan bakarrik.