Santa Eskolastikaren omenezko jaialdia egingo du bihar Elkar Hezik

Santa Eskolastika eguna da gaur, otsailak 10. Hori dela eta, urtero bezala, meza eta jaialdia egingo dituzte Elkar Hezi ikastetxean. Bihar, egubakoitza, izango da, eta herritar guztiak daude gonbidatuta. contributors:

Oñatiko moja beneditarrek Santa Eskolastika eguna ospatzen dute urtero. Gaur, eguena, da izatez egun hori, baina ospakizunak bihar, egubakoitza, egingo dituzte, parte-hartzaileendako egun egokiagoa delako.

Horrela bada, bihar, 09:00etan, meza izango da euren elizan, eta ikasleendako jolasak izango dira segidan. Jendaurreko ekitaldia 18:30ean izango da, euren egoitzako areto nagusian. Han, Elkar Heziko Haur eta Lehen Hezkuntzako ume guztiek -260 bat- antzezlanak, dantzaldia eta beste ekitaldi batzuk egingo dituzte. Ikasleen gurasoak ez ezik, herritar guztiak daude ekitaldiotara gonbidatuta.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.