San Martin egoitzako langileak akordio duina eskatzen dute

Lan baldintza hobeak eskatzen dituzte San Martin egoitzako azpikontratatuek eta enpresak kasurik egiten ez dietelako, kalera atera dira. Hurrengo astean geldialdiekin hasiko dira.

Orain arte bilera bat baino gehiago egin dituzte San Martin egoitzako langile azpikontratatuak eta enpresak. Ez dute ezer adostu eta langileak kalera atera dira. Egunean bi kontzentrazio egiten dituzte: eguerdian plazan eta iluntzean Bidaurretako biribilgunean. Abenduaren 29an, hiru orduko geldialdiekin hasiko dira ( 08:00etatik 11:00etara ). Urtarrilean batuko dira berriro langileak eta enpresa eta ez badute ezer adosten, grebara joko dute.

Hitzarmen duin baten alde

Azpikontratatuta dauden 15 langile daude protestan eta eskualdeko gainerako egoitzetan dituzten baldintzak lortzea nahi dituzte, adibidez, Bergarako egoitzako langileek lortu dutena.

Urtarrilean, langileak, Eulen Sociosanitarios S.A. enpresako ordezkariek eta San Martin egoitzako batzordeko kideek egingo dute bilera.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.