Alacanteko Rojales hirian egingo dute asteburu honetan Estatuko Kantu Koraleko Sariketa Nagusia eta bertan parte hartuko du Oñatiko Ganbara Abesbatzak.
Sariketa honetan, joan den urtean Espainiako sei lehiaketa ezberdinetan garaile izan ziren abesbatzak hartzen dute parte; Ganbara Abesbatzak Ejean, Zaragozan, irabazi zuen.
Gaur, egubakoitza, eguerdian atera dira autobus geltokitik Ganbara Abesbatzako kide, lagun eta gurasoak eta domekan bueltatuko dira. Domeka eguerdian abestuko dute, 12:00etan hasten da, eta sei talde direnez, Alacantetik 16:00ak aldera aterako direla uste dute.
