Aitor Elkoro pilotari elgetarrak eta bi pilotari ohiek, Iñaki Gorostizak eta Joxe Arriaranek, azaldu zuten pilotaren mundua zenbat aldatu den. Joxe Arriaran birritan izan da buruz buruko txapeldun, eta beste behin, binakako txapela eskuratu zuen anaia Pakorekin batera. Joxe arduratu zen aspaldiko garaiko pilotaren gainean berba egiteaz, Aitor Elkorok gaur egungo pilota ezagutzen du ondo, eta Iñaki Gorostizak zubi lanak egin zituen, bizkaitarra 1977an izan zen-eta buruz buruko txapeldun. Gainera, berbaldian moderatzaile lanak egiten pilota barru-barrutik ezagutzen duen Koldo Aldalur izan zen, ETBko kirol kazetaria.
Giro ederra izan zen berbaldian, eta neurri handi baten Joxe Arriarani zor diogu hori, arrasatearrak gustuko du-eta ondokoa xaxatzea. Eta, Aitor Elkoro zuen ondoan. Ordu eta erdiz ibili ziren berbetan, eta egubakoitzean aterako dugun GOIENKARIAN jaso ditugu esaldi borobilenak.