Alokairu sozialaz eta Bizigunez berba egingo du Javier Madrazo sailburuak

Etxebizitza alokatzeko baduzu, Bizigunek bermeak ematen dizkizu delako berbaldia egingo dute gaur, eguaztena, Javier Madrazo Etxebizitza Sailburuak, Javier Dean Sailburuordeak eta Biziguneko zuzendari Roberto Cachok. Helburua da Bizigune programaren hainbat abantaila azaltzea.

Ezker Batua alderdiak antolatuta, Bizigune egitasmoaren hainbat ezaugarri azalduko dituzte gaur, eguaztena, hiru arduradun horiek. Kultura etxean izango da hitzaldia, 19:00etan.

Batez ere, etxebizitza hutsen jabeei dago zuzenduta hitzaldia. Helburua da horiei azaltzea Bizigunek alokairu sozial erregimenean etxebizitza hori alokatzeko ematen dizkien bermeak. Izan ere, Biziguneren xede bat da ahalik eta etxebizitza gehien merkatuan jartzea.

Babes ofiziala, zozketak…

Beste gai batzuk ere landuko dituzte. Alegia, alokairu soziala zer den, babes ofizialeko etxebizitzen erregimenaren ezaugarriak eta zozketak zelan egiten diren, eta Bizigune programa zertan datzan ere komentatuko dute.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.