Ritxar Fernandez azkarrena, Euskal Herriko maratoi erdian

Euskal Herriko maratoi erdia korritu zuten atzo Donibane Lohitzune eta Hondarribia artean, eta Ritxar Fernandez oñatiarra izan zen irabazlea. Ordu bat, 10 minutu eta 50 segundo behar izan zituen Ritxarrek proba egiteko.

Nagusitasun osoz irabazi zuen Ritxar Fernandezek, bi minutuko aldea atera zion-eta Tanzaniako Sebastian Quwanga atletari. Lehenengo bederatzi kilometroetan batera egin zuten korrika, baina hortik aurrera oñatiarrak eraso egin eta ez zuen kontrario izan, bakarrik egin zituen probako azken kilometroak.

Joan den urtean bigarren helmugaratu zen oñatiarra, 44 segundoko aldea atera zion Driss El Fennasi marokoarrak. Atzoko garaipenarekin, baina, barruan zeukan arantza kendu ahal izan du Oñatiko korrikalariak.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.