Arabako eta Gipuzkoako ehun bat ile-apaintzaile bilduko dira gaur gurean

Oñati aukeratu dute Gipuzkoa eta Arabako gizonezkoen ile-apaintzaileek euren urteroko batzarra egiteko. Izan ere, Porresko San Martin da euren zaindaria, eta urtero batzartzen dira ospakizunen bat egiteko. Oñati aukeratu dute aurten bere arte eta gastronomia eskaintza zabalarengatik.

Ehun bat gizonezkoen ile-apaintzaile bilduko dira gaur, eguaztena, Oñatin, San Martin euren zaindariaren ohorez hainbat ospakizun egiteko. Arabatik eta Gipuzkoa osotik etorriko dira, eta Oñatiko Sesiñena eta Nikolas ile-apaindegiak gidari izango dituzte egingo dituzten ekitaldi eta bisitaldietan.

Bisitaldiak eta bazkaria

Eguneko egitaraua da herriko monumentu ospetsuenak bisitatzea; eguerdian, luntxa izango dute; eta gero, Arantzazura igoko dira eta Zelai Zabal jatetxean bazkari eder batez gozatuko dute.

Bukatzeko, Felix Gutierrez Gipuzkoako ile-apaintzaileen elkartearen sortzaileari urrrezko intsignia emango diote.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.