Afrika Bibang abeslari bilbotarrak kontzertua eskainiko du zapatuan, hilak 4, Atzeko Kalean, 23:30ean. Ginear jatorriko musikari euskaldun gazteak soul, rhythm and blues, hip-hop
estiloko kontzertua eskainiko du. Emanaldi honekin bukatuko da Udal Gazte Sailaren aurtengo udako Kalean kultura zikloa.
Afrika Bibang musikari bilbotarrak Entzun lehen diskoko rhythm-and-blues, soul, hip-hop eta elektronika doinuak gerturatuko dizkigu zapatuan eskainiko duen kontzertuan. Afrikak berak idatzitako abestiak dira, eta euskaraz dira guztiak.
Afrikak eskarmentu handia du musikan: punk estiloa landu du Etsaiak taldearekin, reggaea Ke Rule eta Ke No Falte taldeekin, eta house estiloa Roudo & Friends Sound System-ekin. Fermin Muguruzarekin lan egin du hainbat alditan, eta Muguruzak animatuta grabatu du Afrikak diskoa.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak