Senidetzea ospatzeko, Chateaubernard herriko hainbat lagun etorriko dira, baina baita Alemaniako Durbach herriko zenbait ere -Chateaubernard-ekin 10 urte daramatza senidetuta- eta Espainiako Puente Viesgokoak ere -Oñatirekin oso harreman ona du Kantabriako hiri horrek. Guztira, 50 lagun etorriko dira, eta Oñatiko 29 familiak hartuko dituzte gonbidatu moduan. Udalaren esanetan, ekitaldi hauek gure izaera ezagutarazteko eta gure herria Europara gehiago ireki dadin aukera bikaina dira.
Hainbat musika emanaldi
Egubakoitzean, hilak 16, 20:00etan, harrera egingo diete, eta Soraluzen afalduko dute.
Zapatuan, 17, honako ekintzak izango dira, besteak beste: 12:30ean, ekitaldi ofiziala Udaletxean; arratsaldean, 19:30ean, musika eskolako taldeen eta Ganbara abesbatzaren emanaldia, Santa Anan.
Domekan, hilak 18, 12:30ean, Musika Bandaren emanaldia izango da; segidan, batzordeak Arantzazu bisitatuko du.