Infiernosera igoera antolatu du Aloña Mendik

Leire Kortabarria 2004ko uzt. 8a, 14:51
Infiernos tontorrera mendi irteera antolatu du Aloña Mendi elkarteko mendi taldeak. Hilaren 17an eta 18an izango da, asteburua, baina izenemate epea martitzenera arte, hilak 13, izango da zabalik. Horretarako, jo Aloña Mendi tabernara.contributors:

Infiernos tontorra Piriniotan dago. Izatez, elkarri lotutako hiru tontor dira, 3.085, 3.076 eta 3.073 metrokoak. Kasu honetan, garaienari ekingo diote.

Izena emateko, ezinbestekoa da federatua egotea; parte hartzaile bakoitzak bere kranpoia eta pioleta eraman beharko ditu; eta komeni da lehenbailehen izena ematea, leku mugatuak daude-eta. Bazkideek 55 euro ordaindu beharko dituzte; gazteek, 50.

Irteerarako, 06:30ean bilduko dira, parrokia aurre aldean.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak