Oñatiko Musika Eskolak matrikulazio epea zabalik izan zuen ekainean, baina orduan aukerarik izan ez zutenendako bigarren epe bat zabaltzea erabaki du oporren bueltan. Hain zuzen, irailaren 1etik 6ra bitartean izango duzue horretarako parada. Euren bulegoetara jo beharko duzue, 18:00etatik 20:00etara bitartean.
Deialdia interesa duten guztioi dago zuzenduta, nahiz eta ikasle berri gehienak oso txikitandik hasten diren, 4 urtetik aurrera, alegia. Izan ere, horixe ei da adin onena musikan trebatzen hasteko.