Herri Eguneko tabernaz arduratu gura dutenek azken egunak dituzte izena emateko

Leire Kortabarria 2004ko eka. 16a, 13:07
Jaietako Herri Egunean herri tabernaren ardura hartzeko gertu dauden oñatiarrek izena emateko aukera dute oraindik; hain zuzen, egubakoitzean, hilak 19, bukatuko da epea. Kultura etxera jo behar duzue horretarako.

Herriko jaiak antolatzen hasia da udala. Tartean, Herri Eguneko prestakizunak daude. Kasu honetan, herri tabernaren ardura hartzeko gertu dagoen taldea behar da. Oraingoz talde batek eman du izena. Gehiagok emanez gero, zozketa egingo dute.

Baldintza bakarra da gutxienez 30 laguneko taldea izatea. Arduradunek muntatu beharko dute postua; udalak hainbat material ipintzen ditu. Ateratako irabaziak taldearendako izango dira.

Orain bi urtetik

Azken bi urteotan atera da zozketara herri tabernaren ardura. 25 urtean, Oñatiko elkarte bat arduratu zen tabernaz; gero, tabernari profesionalek eraman zuten, eta azkenik, herriko taldeek eurek.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak