Jose de Azpiazu musika eskolak ekitaldiak antolatu ditu datoze egunetarako:
- Maiatzak 26an, kontzertu didaktikoa eskainiko dute musika eskolako irakasleek. Santa Ana aretoan, 18:30ean.
- Maiatzak 28an, musika tailerreko ate irekiak egingo da musika eskolan bertan. Lau, bost eta sei urte bete behar dituzten haurrei zuzenduta dago. 17:30etik aurrera.
- Ekainak 2an, musika eskolako ikasleek kontzertua emango dute. Santa Ana aretoan, 18:30ean.
Datorren ikasturteko matrikulazioa
Bestalde, datorren ekainaren 1etik, 15era, zabalik egongo da matrikulazio epea. Berez, ikasle berriak matrikulatzeko tartea da, ikasle zaharrei automatikoki berrituko baitzaie matrikula. Egun, 287 ikasle ditu musika eskolak, lau urtetik gorakoak.