Oñatiko bi baserri Artzaitour ekimenean

Arantzazuko Gomiztegi baserriak eta Murgiako Azkarretak hartuko dute parte Artzai Gazta elkartearen egitasmo berrian. Turismoa baserrira, zehazkiago artzainengana erakartzea da helburua: kanpotarrei eskaintza zabalagoa egitea, eta bide batez gazta salmenta handitzea.

Gipuzkoako 16 baserrik hartuko dute parte Artzai Gazta Idiazabal gazta egileen elkartearen egitasmo berrian. Uda sasoira begira prestatu dute. Turistak erakarri nahi dituzte gure herrialdeko baserrietara, Debagoienean Oñatiko Gomiztegi eta Azkarretara. Baserriotan, artzainek gazta nola egiten duten erakutsiko diete kanpotarrei, eta gero, erosteko aukera eman. Beste hainbat produktu ere jarriko dituzte salgai: eztia, intxaurrak edo txakolina, esaterako. Oñatiko Turismo Bulegoak bere eskaintzan barneratuko du Azkarreta eta Gomiztegira bisita.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.