Datorren ekainaren 13an egingo dira Europako hauteskundeak, eta dagoeneko zozketatu dira hauteskunde mahaietan egon behar direnen izenak. Zapatuan egin zen zozketa, udaletxean.
Zenbakiak
Oñatin, 16 mahai egongo dira, eta bakoitzeko 9 lagun zozketatu dituzte: mahai-burua eta bi bokal, eta beste bi ordezko postu bakoitzeko. Guztira, 144 izen. Izenen zakuan, ordea, 6.852 sartu dira. Berez, botoa emateko eskubidea 8.000 baino gehiagok dute, baina 65 urte baino gehiago dutenak, ez dira hauteskunde mahaietan egoteko zozketan sartzen.
Datozen egunetan, jakinaren gainean jarriko ditu Udalak zozketan atera diren herritarrak. Hauek, 7 egun izango dituzte erreklamazioak aurkezteko, Bergarako epaitegian.