Kiroldegiko tabernaren jabeak ez zituen gizarte segurantzaren kuotak ordaintzen, eta Udalak kontratua etetea erabaki du.
Zubikoa kiroldegiko taberna enkantera ateratzen du Udalak, eta kontratu bat sinatzen da jabearen eta Udalaren artean. Kontratu horrek baldintza batzuk ditu, eta horietako bat, gizarte segurantzaren kontuak egunean eramatea da. Oraingo jabeak baldintza hori ez duela bete dio Udalak, eta horregatik, kontratua eten egin du.
Itxita jarraituko du
Apirilaren 23tik dago itxita taberna, eta oraingoz, horrelaxe jarraituko du.
Normalean, urtetik urtera barriztatzen dio kontratua Udalak tabernako jabeari, interesa duen beste inor agertzen ez bada. Oraingo jabeak, apirilaren hasieran egin du urtea.
Harmailetara, osteko atetik
Orain arte tabernatik bertatik joaten zen jendea harmailetara. Orain, ordea, osteko atetik joan behar da. Hala ere, kiroldegiko sarreran jarrita daude kartelak, eta ez dago galtzerik.