Erretzeari uzteko gai ote garen; tabakoa erretzeak dakartzan ondorio eta arriskuak; erretzea zergatik den kaltegarria; mitoak eta uste faltsuak Horiek eta gehiago izango dira berbagai erretzeari uzten laguntzeko ikastaroan. Maiatzaren 11, 18 eta 25ean, ekainaren 1, 15 eta 29an eta uztailaren 13an izango dira jardunaldiak, 18:30ean. 50 euro da. Taldeka lan egingo dute parte hartzaileek. Izena emateko mugaeguna maiatzaren 10a da, 943 03 77 00 telefonoan (Ainhoarengatik galdetu behar duzue).
Aurkezpen hitzaldia
Ikastaroa zelakoa izango den aditzera emateko aukera izango da maiatzaren 4an, martitzena. Izan ere, Mari Angeles Becerro mediku eta terapeutak hitzaldia egingo du, kultura etxean, 18:30ean. Han emango dute ikastaroaren gaineko argibide gehiago.