Nazioarteko 36 soziologo eta lege adituk parte hartuko dute Cannabisa: eskubidea eta osasuna. Erantzun sozial, juridiko eta legislatiboak seminarioan. Lege Soziologia Institutuak antolatu du seminarioa, eta Xabier Arana Euskal Herriko Unibertsitateko irakasleak koordinatuko ditu. Espainiako, Portugalgo, Herbeheretako eta Belgikako adituak etorriko dira.
Hainbat ikuspuntutik begiratuko dute adituok cannabisaren gaia. Antolatzaileen esanetan, osasunerako cannabisaren erabilpena aisialdiko erabilpenaren itzalean geratu da, zoritxarrez. Euren ustez, cannabisaren erabilera normalizatuaren aldeko joerak indartuz doaz, gizartean eta medikuntzan egon diren aldaketak direla medio.