Iñaki Idigoras oñatiarra izan zuten maisu ikastarora joan ziren gazteek. Oinarrizko urratsak ikasteko ikastaroa zen: eskaladako materiala ezagutu, korapilo mota ezberdinak ikusi, materiala ondo erabiltzen ikasi ... Iñakiren azalpenak entzun ostean, praktikan jarri zuten teoria.
Datorren ikastaroa
Zapatukoa, hasiberriendako ikastaroa zen, oinarrizkoa. Udaberrian, bigarren ikastaro bat antolatuko du Aloña Mendi Eskalada taldeak, eskaladako urrats gehiago erakusteko.