Oñatin, 6 mahai jarriko ditu Elkarrik sinadurak biltzeko. Elkarriko 4 kide, eta beste 17 boluntario egongo dira sinadurak biltzen.
Zapatuan, goiz eta arratsaldez:
- Txaketua tabernaren aurrean
- Estanko zaharraren ondoan
- Etxaluzen
Zapatuan, goizetik bakarrik:
- Olakua auzoan, supermerkatuaren aurrean
- Makalena kalean
Domekan, eguerdia arte:
- Arantzazuko santutegian
Datuak
Elkarrik, 100.000 sinadura bildu gura ditu Euskal Herrian. Dagoeneko 65.000 bildu ditu, eta zapatuko bilketa erraldoiarekin, 80.000ra heldu gura du. Horretarako, 1.000 mahai jarriko ditu Euskal Herrian, 250, Gipuzkoan. 3.000 boluntarioen laguntza aurreikusi du.
Biltzen dituen sinadurak, Nafarroako eta EAEko legebiltzarretara eramango ditu Elkarrik, alderdien arteko elkarrizketa-mahaia osatzeko.
Zapatuan, 1.500 sinadura bildu gura ditu Debagoienean. Martxoaren 28an amaituko du sinadura biltze kanpaina.