Hauteskunde-mahaietako zozketa bihar egingo dute

Bihar, zapatua, eguardiko 12:00tan egingo da pleno berezia. Guztira 144 izen zozketatuko dira. 8.918 lagun daude zakuan.

Datorren martxoaren 14ko hauteskundeetan, herriko hauteskunde-mahaietan egongo diren pertsonen zozketa egiteko egingo da, propio, bihar eguardiko pleno berezia.

Kopuruak

Guztira, 144 lagun zozketatuko dituzte. Izenen zakuan, ordea, 8.918 izen daude. Herrian 16 mahai egongo dira, eta bakoitzeko 9 lagun zozketatuko dituzte: mahai-burua eta bi bokal eta beste bi ordezko, postu bakoitzeko.

Astelehenean, gutuna bidaliko die udalak zozketan atera diren herritarrei. Hauek, 7 egun izango dituzte erreklamazioak aurkezteko.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.