Gurasoak, irakasleak, begiraleak eta kirolariak. Guztira 50-60 bat lagun izan ziren hitzaldian.Oñatiko ikastexetako kirol batzordeak antolatu zuen hitzaldia, eta Luis Mari Zulaika pedagogoak eskaini zuen.
Kirola egiten ikasi
Kirola egiten ere ikasi egin behar dela azpimarratu zuen Zulaikak. Galtzen ere jakin egin behar dela. Baita garaipena lagunekin banatzen ere. Eskolak horretan lana egin behar dutela esan zuen.
Bakoitzak berea
Batetik emaitzak lortzearren egiten den kirola dagoela esan zuen Zulaikak, eta bestetik, osasuna eta aisialdiarekin lotzen dena. Hilabete gutxi dituen haur batek ere egin behar du kirola, baita adinean aurrera doanak ere. Bakoitzak, ordea, bere kirol mota eta dagokion eta komeni zaion neurrian egin behar du.
Horregatik, kirola zer den definitzea zaila dela esan zuen Juan Mari Zulaikak, eta bere azalpenei baino garrantzia handiagoa eman zion ondorengo eztabaidari.