Udal aurrekontuetan islatzen da udalaren asmoa, izan ere, bi urteren ondoren, 247.000 euroko diru-sarrera jaso du kiroldegiaren proiektuak udal aurrekontuotan. Aurreikuspenen arabera, Zubikoa berritua 2006an egongo da inauguratzeko gertu.
Proiektua Luis Etxegarai eta Itziar Zelaia arkitektoek idatzi dute, eta lehiaketara aterako dira orain lanok.
Egitura
Zubikoa kiroldegia zaharkituta gelditu da, eta proiektu berriak egitura eta itxura guztiz berriak proposatzen ditu. Hain zuzen, elkarrekin lotutako hiru eraikin izango ditu Zubikoa berriak. Gaur egungo eraikina gorde egingo da, eta berriarekin lotura zuzena izango du. Erdian, taberna egongo da, eta sarrera propioa izango du.
Egoitza berriari dagokionez, kantxa nagusi bat, hiru kantxa txiki, rokodromoa izango ditu. Bigarren eraikin berriak aldagelak, takilak, sauna, gimnasioa izango ditu.