Iparraldeko Jauziak dantza aukeratu du aurten Oñatz taldeak Aratusteetan oñatiar guztiek elkarrekin dantza egin ahal dezaten. Entseguak urtarrilaren 10ean hasiko dira, zapatua. Oñatz taldeak Errekalden duen egoitzan izango dira, zapaturo, 12:00etan, eta martitzenero, 20:00etan. Bat egin gura duenak bertara joan besterik ez du. Dantza emanaldia bera otsailaren 21ean izango da.
Ikasten erraza
Oñatz taldeko Jesus Irizar arduradunak azaldu duenez, dantza ikasteko erraza da; oinarrizko urratsak azkar ikas daitezke. Oñatz taldeak urtero antolatzen du herritarrei zabaldutako Aratuste dantza saio bat.
Ustaritzen egiten dute Jauziak dantza. Jatorriz, koreografia oso batekin egiten dute, eta antzezpena egiten dute lehenengo; bospasei musikarik ere esku hartzen dute, eta makil jokoak egiten dituzte.